Astanadaǵy qarttar úıinde qaıyrymdylyq sharasy ótti
ASTANA. Jeltoqsannyń 20-sy. QazAqparat /Quralaı Orynbekqyzy/ - Búgin elordadaǵy qarttar úıinde Jańa jyl merekesine oraı qaıyrymdylyq aktsııasy ótti,
dep habarlaıdy QazAqparat tilshisi.
«Biz qarttardy eshqashan kóńilsiz qaldyrmaýǵa tıispiz. Qarttarǵa arnalyp uıymdastyrylyp otyrǵan búgingi shara olarǵa kishkene qýanysh syılaıdy dep oılaımyz», - dedi aktsııany uıymdastyrýshy - «Best Realty» jyljymaly múlik agentigi dırektorynyń orynbasary Mádına Ahmetjanova.
Aktsııaǵa shetel dıplomattarynyń áıelderi - Halyqaralyq áıelder klýbynyń músheleri, Astana qalasy bıznes qaýymdastyǵynyń ókilderi, sondaı-aq QR Parlamentiniń depýtattary qatysty. Merekelik kontsertte qarttarǵa arnap án aıtylyp, bı bılendi.
