Astanadaǵy Qarttar úıinde «Ardagerlerdi ardaqtaıyq» sharasy aıasynda maıdangerlerge qurmet kórsetildi
Sonymen qatar mekeme aýmaǵynda ornalasqan «Ardager» alleıasynda maıdangerlerdiń esimderimen atalǵan jas kóshetter otyrǵyzyldy.
Shara jyl saıyn «Nur Otan» partııasynyń elordalyq fılıalynyń ujymymen dástúrli túrde uıymdastyrylyp keledi. Fılıal tóraǵasynyń orynbasary Muhtar Erketaevtyń aıtýynsha, bıyl partııa ókilderi 4-7 mamyr aralyǵynda «Ardagerlerdi ardaqtaıyq» aktsııasynyń aıasynda Astanadaǵy 458 soǵys ardageri men tyl eńbekkeriniń úılerinde bolyp, olarǵa úlken qamqorlyq kórsetti.
«Ókinishke oraı, tabıǵat zańdylyǵy sol, búgingi tańda tarıhtaǵy eń zulmat soǵysta bolǵan jandardyń qatary seıilýde. Qazirgi kúni elde 11 936 UOS-nyń ardageri qalǵan. QR Prezıdenti Nursultan Nazarbaevtyń saıasaty birinshi kezekte bizdiń elimizdegi árbir adamnyń, memleketimizdiń árbir azamatynyń meılinshe aýqatty bolýyna baǵyttalǵan»,-deıdi QR Eńbek jáne halyqty áleýmettik qorǵaý vıtse-mınıstri Serik Ahmetov.
Onyń atap kórsetkenindeı, bıyl respýblıka bıýdjetinen halyqty áleýmettik qamsyzdandyrýǵa 1 trln. 135 mlrd. teńge bólý qarastyrylyp otyr.
Shara barysynda Uly Jeńistiń 66 jyldyǵyna arnalǵan «Ardagerlerge kádesyı» atty 2-qalalyq qolóner baıqaýyna qatysqan elordanyń mektep jasyndaǵy jetkinshekter ózderiniń buıymdaryn qart maıdangerlerge tartý etti.
