Astanadaǵy kardıologııalyq ortalyqta álemniń 13 elinen patsıentter emdeldi

Bul týraly búgin Parlament Senatynda ótken kezdesý barysynda QR Ulttyq kardıologııa ortalyǵy Basqarma tóraǵasy ıÝrıı Pıa málim etti.

«Qazirgi tańda Qazaqstanda medıtsınalyq týrızmdi damytýdy engizý jolǵa qoıylyp keledi dese de bolady. Máselen, bizdiń ortalyq ashylǵannan beri onda álemniń 13 elinen 166 sheteldik patsıent emdeldi. Qazir Astanadaǵy ortalyqta kardıologııalyq jáne kardıohırýrgııalyq kómektiń álemde qoljetimdi barlyq spektrlary kórsetiledi», - dedi basqarma tóraǵasy.

Onyń aıtýynsha, 2011-2014 jyldar aralyǵynda Qazaqstanda kardıohırýrgııalyq operatsııalar sany úsh esege artqan. Al qazirgi tańda júrekke ashyq ota jasaýǵa suranystyń ótelý deńgeıiniń kórsetkishi 73,6 paıyzdy quraıdy

«Ortalyqta júrek transplantatsııasy men jasandy júrek ımplantatsııasyn engizý sátti júrgizilýde. Bul Qazaqstanda ǵana emes, Ortalyq Azııa óńirinde alǵash ret júzege asqan operatsııa dese de bolady. Osynyń arqasynda Qazaqstan ashyq júrekke biregeı joǵary tehnologııaly operatsııalar jasaıtyn álemniń 22 eliniń qataryna endi. Bul halyqaralyq kardıohırýrgııa qaýymdastyǵy tarapynan da moıyndalyp otyr», - dedi ıÝrıı Pıa.