Astanadaǵy Qallekı teatrynda frantsýz dramatýrgi Jan-Marı Shevreniń «Іzgilik formýlasy» atty komedııasynyń premerasy ótedi

Komedııanyń qoıýshy rejısseri - QR eńbek sińirgen qaıratkeri Álimbek Orazbekov.

J-M. Shevreniń «Іzgilik formýlasy» atty shyǵarmasy alǵash ret 2000 jyly Parıj teatrynda sahnalandy. Onyń aǵylshyn tilindegi ataýy «Squat», ıaǵnı bos turǵan úıdi zańsyz ıelený degen maǵynany bildiredi. Atalmysh komedııa Parıj qalasynyń teatrynda 2000-2001 jyldary 350 ret oınaldy. Sol jyldary kórkemdik mańyzdylyǵy men kótergen ıdeıasynyń kókeıkestiligi úshin, gýmanıstik kózqarasta ulttar arasyndaǵy qarym-qatynas taqyrybyn erekshe qamtyǵany úshin BUU-nyń halyqaralyq syılyǵyna ıe boldy.

Komedııanyń basty rólderin Marıvondy birinshi planda QR eńbek sińirgen qaıratkeri, Qurmet ordeniniń ıegeri, Jastar Odaǵy syılyǵynyń laýreaty Leıla Beknazar-Hanınga, ekinshi quramda QR «Serper» Jastar odaǵy syılyǵynyń ıegeri Altynaı Nógerbek; Janndy - birinshi quramda QR eńbek sińirgen artısi Janat Chaıkına, ekinshi quramda Aınur Bermuhanbetova; Terezany - birinshi quramda Baqyt Isabekova, ekinshi quramda Zıbagúl Karına; Krıstınany - birinshi quramda Aınur Jetpisbaeva, ekinshi quramda Janar Qasym; Samırdi - Shah-Murat Ordabaev jáne Manıýeldi - Jasulan Erbolat somdaıdy.