Astanadaǵy Qabanbaı batyr dańǵyly alty jolaqty bolady
ASTANA. QazAqparat - Qabanbaı batyr dańǵyly «Ramstor» saýda úıinen bastap áýejaıǵa deıin altyjolaqty jol bolyp qaıta salynady. Bul týraly Astana qalasynyń ákimi Á.Isekeshev aıtty, dep habarlaıdy QazAqparat tilshisi.
«Prezıdenttiń sheshimimen, qazir Úkimet qaryz esebinen Qabanbaı batyr dańǵylyn áýejaıdan «Ramstor» saýda úıine deıin qaıta jóndeý jumystaryn bastaıdy. Dańǵyl keńeıtilip, jolaıyryq arqyly alty jolaqty bolady, - dedi ákim.
Astana qalasy ákiminiń orynbasary Qusman Aıtmuhametov óz kezeginde atalǵan qurylys jobasy boıynsha qaýly daıyndalyp jatqanyn tilge tıek etti. Qala basshysy bul jobany eki jyl kóleminde aıaqtaýdy tapsyrdy.
«Biz bul jumystardy 2020 jylǵa deıin aıaqtaýdy josparlap otyrmyz», - dedi qala ákimi.
