Astanadaǵy Q.Qýanyshbaev atyndaǵy Qazaq mýzykalyq drama teatry jańa maýsymyn ashady
ASTANA. Qazannyń 4-i. QazAqparat /Gúlmıra Álıakparova/ - Qazannyń 8-i kúni Astanadaǵy Q.Qýanyshbaev atyndaǵy Qazaq mýzykalyq drama teatrynyń jańa maýsymy ashylady.
Teatrdyń HH-shy maýsymy M.Áýezovtyń «Abaı» tragedııasymen ashylmaq. Onyń qoıýshy rejısseri - QR eńbek sińirgen qaıratkeri Álimjan Orazbekov. Qoıýshy sýretshi - teatrdyń bas sýretshisi Dáýlet Dosbaev. Eske salaıyq, atalmysh spektakldiń premerasy 2009 jylǵy shildeniń 3-i kúni ótken bolatyn.
Teatr ujymy qazannyń 31-ine deıin kórermen qaýym nazaryna sondaı-aq, Q.Júnisovtyń «Mahabbat melodramasyn», T.Djıýdjenoglýdyń «Kóshkin», Sh.Aıtmatovtyń «Aq keme», «Ǵasyrdan da uzaq kún», I.Shtraýstyń «Jubaılar jumbaǵy» premerasyn, E.Jýasbektiń «Sen úshin», «Úılený», B.Uzaqovtyń «Jandaýa» jáne taǵy da basqa avtorlardyń qoıylymdaryn usynatyn bolady.
Osy kúnderi Astanada (28 qyrkúıek - 6 qazan aralyǵynda) M.Áýezov atyndaǵy Qazaqtyń akademııalyq drama teatry gastroldik saparmen júr. Teatr qoıylymdary K.Baıseıitova atyndaǵy Ulttyq opera jáne balet teatrynda ótýde. Al ústimizdegi jylǵy qazannyń 25-29 kúnderi aralyǵynda elordaǵa І.Omarov atyndaǵy Qostanaı oblystyq qazaq drama teatrynyń sapary kútilýde.
