Astanadaǵy iri apat: 2 kósheniń boıyndaǵy jáne «Shubar» shaǵynaýdanyndaǵy úıler sýsyz qaldy
ASTANA. QazAqparat - Sý qubyryndaǵy apat saldarynan Syǵanaq pen Túrkistan kósheleriniń boıynda ornalasqan mekemeler men úıler sýsyz qaldy, dep habarlaıdy QazAqparat tilshisi.
Budan bólek, «Shubar» shaǵynaýdanynda da sý qubyrynda apat bolyp, sý toqtatyldy.
iKomek qyzmeti habarlaǵandaı, sý óshirilgen abonentterdiń naqty sany ázirge belgisiz.
Budan buryn habarlanǵandaı, Astananyń sol jaǵalaýynyń ortalyǵynda, Syǵanaq jáne Túrkistan kósheleriniń qıylysynda sý qubyry jarylyp, sol mańaıdy sý alyp ketken edi. Sýyq sý qubyry jelilerinde bolǵan apat saldarynan Túrkistan men Syǵanaq kósheleriniń qıylysy jabyldy. Sondaı-aq, «Máńgilik el» kópiriniń astyndaǵy ýchaskeni de sý basty.
«Astana sý arnasy» sý qubyrynyń tesilgen jerin qalpyna keltirýmen aınalysýda.
