Astanadaǵy iKomek ortalyǵyna qalaı habarlasýǵa bolady
ASTANA. QazAqparat - 1 jeltoqsanda qalany qardan tazalaýǵa 324 jumysker shyqty, dep habarlaıdy Astana qalasy ákimdiginiń resmı saıty.
«Astana Tazalyq» JShS-niń málimetinshe, qar tazalaý jumystaryna mamandandyrylǵan tehnıkanyń 586 birligi jumyldyrylǵan.
Qala syrtyna shyǵarylǵan qardyń jalpy kólemi 32059 tekshe metrdi quraıdy. «Astana Tazalyq» qala syrtyna qardyń 13465, ózge mekemeler 16994, «Astana kógaldandyrý qurylysy» 1600 tekshe metrin shyǵardy. 16 qazan men 1 jeltoqsan aralyǵynda shyǵarylǵan qardyń kólemi - 535459 tekshe metr. 1 jeltoqsanda qum-tuz aralas qospanyń 507,5tekshe metri sebildi.13 qazan men 30 qarasha aralyǵynda joldarǵa shashylǵan qum-tuz aralas qospanyń jalpy kólemi 9669,5 tekshe metrdi quraıdy.
Astana ákimdigi turǵyn úı-kommýnaldyq sharýashylyǵyna qatysty barlyq suraqtardy 109 nómiri boıynsha Astananyń iKomek monıtorıng jáne jedel áreket etý ortalyǵynyń call-ortalyǵyna táýlik boıy joldaýǵa bolatyndyǵyn eske salady. Sondaı-aq, iKomek ortalyǵyna kelesi ádister boıynsha habarlasýǵa bolady:
Telegram-daǵy: https://t.me/astanaikomek109_bot chat-boty;
astana.gov.kz ákimdik saıty
Áleýmettik jelilerdegi jarııalanymdardy #astana109 heshtegimen belgileý:
Facebook www.facebook.com/astana109/
Instagram www.instagram.com/astana109/
Telegram-kanal https://t.me/astana109112
