Astanadaǵy І. Esenberlınniń 100 jyldyǵyna arnalǵan kórmede jazýshynyń sırek kezdesetin beınejazbalary tanystyryldy

ASTANA. QazAqparat - Búgin Qazaqstan Respýblıkasynyń Ulttyq muraǵatynda Qazaq handyǵynyń 550 jyldyǵyn merekeleý is-sharalary aıasynda uly jazýshy, qazaq ádebıetiniń klassıgi Іlııas Esenberlınniń 100 jyldyǵyna arnalǵan "Rýhy bıik nar tulǵa" atty qujattyq kórme ashyldy.

Kórmege Atbasar qalasyndaǵy І. Esenberlın atyndaǵy ádebı murajaıdan jazýshynyń jumys jasaǵan ústeli, qoıyn kitapshasy, telefon anyqtamalyǵy, súıikti dombyrasy men otbasy fotosýretteri, jazý mashınkasy jáne basqa da zattary ákelindi. Sonymen qatar, QR Ortalyq memlekettik muraǵaty kórmege Qazaqstan jazýshylar odaǵy, Jambyl atyndaǵy Qazaq Memlekettik fılarmonııasy jáne І. Esenberlınniń jeke qorynan alynǵan qujattardy usyndy.

Al QR Kınofotoqujattar jáne dybysjazbalar Ortalyq memlekettik muraǵaty jazýshynyń "Aıqas" romany (1968 jyl) úshin Abaı atyndaǵy Memlekettik syılyqty tapsyrý sátindegi beınejazbasyn, І. Esenberlınmen suhbat beınejazbasyn, jazýshynyń óz daýsy jazylǵan fonojazbany da usynyp otyr.

Sharaǵa memlekettik organdar men uıymdar basshylary men ókilderi, Qazaqstan Jazýshylar odaǵynyń músheleri, jazýshynyń týǵan-týysqandary qatysty.