Astanadaǵy Haıvıl kesheniniń 6-qabattynan tútin shyqty
ASTANA. QazAqparat - Astanadaǵy Highvill turǵyn úı kesheninde kondıtsıoner qysqa tuıyqtalyp, tútindegen.
«25 shildede saǵat 21:30-da «Highvill» TK-nyń 24-qabatty turǵyn úıinde 6-qabatta kondıtsıoner qysqa tuıyqtaldy, alaıda qurylǵy órtenbedi. Tuıyqtalýǵa bastapqy boljam boıynsha kondıtsıonerdiń qyzyp ketýi sebep bolǵan. Kondıtsıoner lodjııaǵa ornatylǵan», - dep habarlaıdy QR ІІM Tótenshe jaǵdaılar jónindegi komıtettiń resmı ókili Rýslan Imanqulov.
Oqys oqıǵadan eshkim zardap shekpedi. Evakýatsııalaýdyń qajettiligi bolmady. Oqıǵa ornyna 5 tehnıka jáne astanalyq órt sóndirý quramynyń 23 qyzmetkeri bardy.
