Astanadaǵy «Han Shatyr» oıyn-saýyq ortalyǵynda «Juldyzdar bıi» balalar festıvali ótedi
ASTANA. 1 qarasha. QazAqparat - 1-4 qarasha kúnderi Astana qalasyndaǵy «Han Shatyr» oıyn-saýyq ortalyǵynda Qazaqstannyń óńirlerinen bı ujymdary qatysatyn «Juldyzdar bıi» balalar bı festıvali ótedi.
Bul týraly «AstanaStars» festıval qozǵalysynyń baspasóz qyzmeti habarlady.
Festıvalge 4 pen 18 jas aralyǵyndaǵy balalar túrli bı janrlary boıynsha qatysa alady.
Osy jyly saıysta Aqtaý, Aqtóbe, Atyraý, Jezqazǵan, Pavlodar, Petropavl jáne Astana qalalarynyń, sonymen qatar, balalar úıiniń horeografııalyq toptary ónerlerin kórsetedi.
Іs-shara qoǵam úshin erekshe mádenı qundylyq retinde sanalatyn jasóspirimderdiń shyǵarmashylyq bastamalaryn qoldaý, respýblıka aımaqtaryndaǵy balalar arasyndaǵy baılanysty nyǵaıtýǵa baǵyttalǵan.
Festıval 1 qarashada «Han Shatyr» oıyn-saýyq ortalyǵynda Qazaq ulttyq óner ýnıversıteti stýdentteriniń qatysýymen klassıkalyq mýzykamen saltanatty túrde ashylady.
Al 4 qarashada festıval qorytyndysy shyǵarylyp, júldegerlerge alǵyshattar, maqtaý qaǵazdary, baǵaly syılyqtar tapsyrylady.
Festıval aıasynda qatysýshylarǵa elorda boıynsha ekskýrsııa uıymdastyrylyp, Qazaqstannyń cherlıdıngten chempıonatyn jáne «Shabyt» halyqaralyq festıvalin tamashalaý múmkindigi týady.
Uıymdastyrýshylar - «Nur Otan» HDP Astana qalalyq fılıaly jáne Astana qalasy mádenıet basqarmasynyń qoldaýymen «AstanaStars» festıval qozǵalysy.
