Astanadaǵy halyqaralyq skrıpkashylar baıqaýynyń jeńimpazy 7 myń dollar alady
ASTANA. 15 qazan. QazAqparat - Búgin Astanada QR Mádenıet jáne aqparat mınıstrligi jáne Qazaq Ulttyq óner ýnıversıtetiniń uıymdastyrýymen Astana qalasynda IV halyqaralyq skrıpkashylar baıqaýy bastaldy.
Mádenıet jáne aqparat mınıstrliginiń Mýzyka óneri basqarmasynyń bastyǵy Nurbolat Ahmetjanovtyń aıtýynsha, baıqaýǵa Qazaqstan, Ózbekstan, Reseı jáne Japonııa elderinen barlyǵy 20-ǵa tarta skrıpkashy qatysýda. Baıqaý baǵdarlamasy boıynsha ónerpazdar I.S.Bah, N.Paganını, I.Brams, P.Chaıkovskıı, D.Shostakovıch syndy uly kompozıtorlardyń shyǵarmalaryn oryndaıdy. Gran-prı ıegeri arnaıy jeńimpaz dıplomymen qatar, 7 myń AQSh dollaryna ıe bolady. Birinshi orynǵa qol jetkizgeni 5 myń, ekinshi oryn - 3,5 myń, úshinshi oryn - 2,5 myń AQSh dollaryn alady.
Qazaq Ulttyq óner ýnıversıtetiniń Organ zalynda bastalǵan shara, 19 qazan kúni saǵat 17.00-de baıqaý jeńimpazdarynyń saltanatty gala-kontsertimen aıaqtalady.
Qazylar alqasy quramyna belgili jáne ataqty skrıpkashylar - Qazaqstannyń halyq ártisi, professor Aıman Musaqojaeva, sonymen qatar Edýard Grach (Reseı), Sergeı Kravchenko (Reseı), Aleksandr Vınnıtskıı (Fınlıandııa), Anatolıı Bajenovtar (Ýkraına) endi.
IV Halyqaralyq skrıpkashylar baıqaýynyń basty maqsaty - klassıkalyq mýzykany dáripteý, skrıpka ónerin nasıhattaý, qazaqstandyq jas talantty skrıpkashylardy joǵary deńgeıge kóterý jáne Qazaqstannyń mádenı abyroıyn arttyrý bolmaq.
