Astanadaǵy halyqaralyq olımpıadada 88 eldiń oqýshylarynyń bilim básekesi bastaldy (FOTO)
ASTANA. QazAqparat - Búgin Astanada fızıka páninen oqýshylardyń 45-shi halyqaralyq olımpıadasy (IPHO-2014) óz jumysyn bastady.
21 shildege deıin jalǵasatyn bul bilim saısy elordadaǵy Nazarbaev Ýnıversıteti bazasynda ótedi. Atap aıtqanda, fızıkadan Astanada ótetin halyqaralyq olımpıada qatysýshy elderdiń rekordtyq sanyn jınady. Osy bilim dodasyna Qazaqstanǵa álemniń 88 elinen 700 qatysýshy keldi.
«Halyqaralyq olımpıadanyń Qazaqstanda ótkizilýi - bul ǵylym men bilimniń damýynyń negizgi belgisi. HHІ ǵasyr - talantty, jigerli jáne óz armandaryn júzege asyra biletin jastardyń zamany. Elimizde jas talanttardy damytýǵa erekshe nazar aýdarylýda, ıaǵnı barlyq baǵyttarda tıisti jumystar júrgizilýde. Bul óz kezeginde Qazaqstannyń zııatkerlik damýynyń bazalyq vektorlaryn onjyldyqtarǵa aıqyndaıdy», - dedi olımpıadanyń saltanatty ashylýy rásiminde QR Bilim jáne ǵylym mınıstri Aslan Sárinjipov.
Olımpıadaǵa ulttyq fızıka olımpıadalary jeńimpazdary arasynan mektep túlekteri men mektep bitirý aldyndaǵy synyptardyń oqýshylary qatysady.
Qazaqstan namysyn halyqaralyq olımpıadada mektep oqýshylarynyń Jáýtikov halyqaralyq olımpıadasynyń altyn medal ıegeri, fızıkadan Azııa olımpıadasynyń kúmis júldegeri, fızıkadan halyqaralyq olımpıada kúmis medali men respýblıkalyq pándik olımpıadadaǵy altyn medal ıegeri Ámir Birálın, halyqaralyq Jáýtikov olımpıadasy kúmis medaliniń, respýblıkalyq pán olımpıadasynyń altyn medaliniń ıegeri Isa Danat, respýblıkalyq pán olımpıadasy altyn medaliniń jáne fızıkadan halyqaralyq olımpıadanyń qola medalynyń ıegeri Nurbek Dinmuhammed, «Týımaada» mektep oqýshylary halyqaralyq olımpıadasy qola medaliniń, halyqaralyq Jáýtikov olımpıadasy kúmis medaliniń, fızıkadan Azııa olımpıadasy qurmet gramotasynyń jáne Respýblıkalyq pán olımpıadasy altyn medaliniń ıegeri Tursynbek Nurıslam, jasóspirimder arasyndaǵy jaratylystaný-ǵylymdary olımpıadasy men halyqaralyq Jáýtikov olımpıadasy kúmis medaliniń, respýblıkalyq pán olımpıadasy altyn medaliniń ıegeri Dáýlet Qurmantaev qorǵaıdy.
