Astanadaǵy Halyqaralyq ǵylymı semınarda ultaralyq tózimdilikti damytý jolyndaǵy BAQ-tyń róli talqylanýda
ASTANA. Qarashanyń 18-i. QazAqparat /Arman Asqarov/ - Búgin elordadaǵy Eýrazııa ulttyq ýnıversıtetinde «BAQ-tyń etnosaralyq tózimdilikti damytý jolyndaǵy róli» taqyrybynda halyqaralyq ǵylymı semınar bastaldy,
dep habarlaıdy QazAqparat.
Ýnıversıtettiń bas oqý ǵımaratynda ótip jatqan ǵylymı májiliske Qazaqstan jáne Reseıdiń ǵalymdary men jýrnalısteri - QR Jýrnalıster odaǵynyń prezıdenti Saǵymbaı Qozybaev, Qazaqstan halqy assambleıasy tóraǵasynyń orynbasary Eraly Toǵjanov, Reseı halyqtar assambleıasynyń tóraǵasy Ramazan Abdýlatıpov, Lomonosov atyndaǵy Máskeý memlekettik ýnıversıtetiniń ǵalymy Alekseı Vlasov, Reseı halyqtar dostyǵy ýnıversıtetiniń professory Uldanaı Baqtygereeva jáne taǵy basqalar qatysýda. Alqaly jıynda ulttar arasyndaǵy ózara túsinistik suhbatyn damytý jolyndaǵy buqaralyq aqparat quraldarynyń róli men mindeti talqylanýda.
