Astanadaǵy hakerler jarysynda qazaq tildi úsh jobaǵa qosymsha syıaqy beriledi
ASTANA. 12 qazan. QazAqparat - Búgin Astanada bastalǵan «Astana Hackathon» atty IT-jobalardyń jarysy aıasynda qazaq tildi úsh jobaǵa qosymsha syıaqynyń beriletini týraly jarııalandy.
Syıaqynyń quryltaıshysy - «C.A.P.» taldaý jáne boljaý ortalyǵy» qoǵamdyq qory. Onyń jalpy kólemi 300 myń teńgeni qurap otyr. Aqshalaı syılyq «IT-bastamalardy qoldaımyz» bastamasy aıasynda memlekettik tildi damytýdy kózdeıtin úsh joba úshin berilmek. Negizgi maqsat - aqparattyq tehnologııalar salasynda qazaq tildi jastardyń belsendiligin arttyrý. Osyǵan oraı, www.startupkoldau.kz veb-portaly da ashylǵan bolatyn. Onda jas kásipkerler óz ıdeıasyn jınaqtap, jaryqqa shyǵarý boıynsha tıisti keńester ala alady. Sondaı-aq atalǵan portaldan hostıng alýǵa múmkindik bar.
