Astanadaǵy «Gúlder» turǵyn úı kesheniniń qurylysy aıaqtalyp, úleskerler páterli boldy
ASTANA. Qyrkúıektiń 22-si. QazAqparat - «Samuryq-Qazyna» qory tarapynan daǵdarysqa qarsy sharalar aıasynda qurylys sektoryndaǵy jaǵdaıdy turaqtandyrý maqsatynda bólingen qarjyny alǵannan keıin 3 aıdan soń,
«BI Group» kompanııasy Astanadaǵy «Gúlder» turǵyn úı kesheniniń qurylysyn aıaqtady. Bul týraly «Samuryq-Qpazyna» qory baspasóz qyzmetiniń taratqan habarlamasynda aıtylǵan.
Baspasóz qyzmetiniń málimetinshe, búgin osy turǵyn úıdiń úleskerlerine páterleriniń kiltterin saltanatty túrde tapsyrý rásimi bolyp ótti. Atalmysh keshenniń qurylysyn salý kezinde 450 mln.teńge ıgerildi. Qalanyń oń jaǵalaýynda ornalasqan 12 qabatty turǵyn úıde 190 páter bar, jalpy aýmaǵy 11 myń sharshy metr. Bul keshendegi 189 páter úleskerlerdiki. Qurylystyń materıaly kirpish, qabyrǵalardyń qalyńdyǵy 69 sm, dybyssyz lıftpen qamsyzdandyrylǵan. Alǵashqy qabatynda medıtsınalyq ortalyq, dúken, jalpy turǵyndarǵa qajetti nysandar bolady. «Samuryq-Qazyna» Qarjy jáne damý ınstıtýttaryn basqarý jónindegi dırektory Baqytjan Sárkeev Qor qurylysyn aıaqtaý boıynsha mindetteme alǵan nysandardyń barlyǵy da ýaqytynda beriletinin atap ótken. «BI Group» kompanııasy basshysy Aıdyn Rahymbaevtyń aıtýy boıynsha, Qor tarapynan bólingen qarjy holdıngtiń qalǵan nysandaryn aıaqtaýǵa jetkilikti. Holdıng osylaısha, Mereke-2, Solnechnyı gorod-2, Baıqonys, Zerde jáne Dostar-3 turǵyn úılerin 2010 jyly aıaqtamaq. Al Lazýrnyı kvartal, Sarmat nysandary 2011 jyldyń ekinshi toqsanynda aıaqtalady.Úleskerlerdiń máselesin sheshýmen qatar, naryqta 2077 páter paıda bolady.
