Astanadaǵy gaz jarylysy: Jataqhana turǵyndarynyń birazy týystarynyń úıine ketti
ASTANA. QazAqparat - Gaz toltyratyn rezervýardyń jarylys saldarynan sol mańdaǵy qıraǵan jataqhana turǵyndary ornalastyrý úshin eki avtobýs bólindi. Bul týraly QazAqparatqa QR ІІM TJK baspasóz qyzmeti habarlady.
Biraq turǵyndardy evakýatsııa jasaýdyń qajeti bola qoıǵan joq. Olardyń birqatar týǵan-týystarynyń úılerine ketken.
TJK baspasóz qyzmeti budan buryn habarlaǵandaı, 2 qańtarda shamamen saǵat 20:00-de Astanadaǵy Aqjol kóshesinde qoımaǵa jalǵasa salynǵan aǵashtan soǵylǵan jaı órtenip, jalyn ashyq jerde ornalasqan syıymdylyǵy 5 tekshe metr gaz toltyratyn rezervýardy sharpyǵan.
Órt aýmaǵy 40 metrdi qurady. Tilsiz jaý 21:06-da aýyzdyqtalyp, 21:30-da tolyqtaı sóndirildi.
Jarylys saldarynan 60 sharshy metrdi alyp jatqan qoıma qırady, jaqyn ornalasqan tórt qabatty jataqhananyń terezeleri synǵan. Jergilikti atqarýshy organnyń kúshimen jataqhana turǵyndaryn ornalastyrý úshin eki avtobýs oqıǵa ornyna jiberilgen. Qurban bolǵandar men zardap shekkender joq.
Apat ornyna Astana TJD-niń 35 adamy men 7 órt sóndirý tehnıkasy jumys istep jatyr.
