Astanadaǵy forýmda mashına jasaý salasynyń problemalary men perspektıvalary talqylanady - M. Pishembaev
ASTANA. QazAqparat - Astanadaǵy halyqaralyq forýmda mashına jasaý salasynyń problemalary men perspektıvalary talqylanady. Búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıng barysynda Qazaqstan Mashına jasaýshylar odaǵy basqarma tóraǵasy, Májilis depýtaty Meıram Pishembaev osylaı málim etti. Eske sala keteıik, Astanada 1-2 qazanda Mashına jasaýshylardyń úshinshi halyqaralyq forýmy ótpek.
«Bıylǵy forýmnyń taqyryby «Jańa ekonomıkalyq jaǵdaılar aıasyndaǵy mashına jasaý salasynyń problemalary men perspektıvalary» bolyp aıqyndalyp otyr. ıAǵnı, Qazaqstannyń DSU-ǵa enýi, Ekonomıkalyq yntymaqtastyq jáne damý uıymyna ótýi barysynda otandyq mashına jasaý salasyna qalaı áser etetini, sonymen qatar, salanyń aldyndaǵy jańa qaterler men múmkindikter jaıy talqylanady. Forým alańynda mashına jasaý salasynyń máselelerin qamtyǵan jeti sektsııa jumys isteıdi», - deıdi odaq basshysy. Onyń aıtýynsha, sharaǵa otandyq 450-500 uıymnan ókilder, sonymen qatar álemniń otyz elinen eki júzge tarta delegattar keletini kútiledi. Forým aıasynda sheteldik uıymdarmen naqty máseleler talqylanyp, ınvestorlarmen birlesken kásiporyndar qurý jaılary sóz bolmaq.
«Sonyń ishinde ıntegratsııalyq birlestikterge ótý nátıjesinde ótkizý naryǵynyń keńeıýine oraı, Qazaqstanda ashylatyn múmkindikterge basa nazar aýdarylady. Bul rette otandyq bıznes úshin mundaı múmkindikterdiń máselesi týraly áńgime órbimek. ıAǵnı, mashına jasaý salasyndaǵy qazaqstandyq óndiristik ónimdi arttyrý, onyń sapasyn jaqsartý jaıyna jiti kóńil bólmekshimiz. Aıta keterligi, biz úshin nómiri birinshi mindet - eger Qazaqstan enýdi kózdeıtin Ekonomıkalyq yntymaqtastyq jáne damý uıymynyń bes memleketi bizdiń elimizge tikeleı kire alatyn bolsa, DSU-ǵa ótkennen soń elimiz úshin básekelestik eselep artady. Olaı bolsa, bizge de otandyq mashına jasaý salasyndaǵy ónimniń básekelestigin kóterý birinshi kezektegi basymdyq bolmaq. Biz osy arqyly ónimdi ishki naryqta ǵana satý emes, eksportqa baǵdarlaý múmkindigin ıelenýge tıispiz», - dedi M. Pishembaev.
