Astanadaǵy fınaldyq kezdesý: Kýbalyq boksshylar alda keledi
ASTANA. QazAqparat - Búkilálemdik boks serııasy 7-maýsymynyń 5 jekpe-jekke negizdelgen alǵashqy sessııasynda «Astana arlandary» «Kýba qabylandaryna» ázirge 3:2 esebimen ese jiberip otyr, dep habarlaıdy QazAqparat.
Álimhan Amanqul men Arlen Lopes arasynda ótken sońǵy kezdesýde jeńis tóreshilerdiń sheshimimen kýbalyqtyń enshisine berildi.
Osylaısha, buǵan deıin «Astana arlandary» sapyndaǵy Temirtas Júsipov pen Іlııas Súleımenov jeńiske jetkenimen, Anton Pınchýk, Dilmurat Mıjıtov pen Ábilhan Amanqul óz qarsylastaryna ese jiberip, kýbalyqtardan bir upaıǵa artta qalyp otyrmyz.
Aıta keterligi, Búkilálemdik boks serııasynda «Astana arlandary» 2012/2013 jyldary jáne 2015 jyly eki ret chempıondyq ataqqa qol jetkizgen bolsa, «Kýba qabyldandary» da 2013/2014 jyldary jáne 2016 jyly jeńimpaz atandy.
