Astanadaǵy fınaldyq kezdesý: Kýba boksshylary jeńisterin eseleı tústi
ASTANA. QazAqparat - Búkilálemdik boks serııasy aıasynda elorda tórinde ótip jatqan fınaldyq kezdesýde «Astana arlandarynyń» ókili Arman Rysbek «Kýba qabylandary» komandasynyń bedeldi boksshysy Hýlıo La Krýsqa ese jiberdi, dep habarlaıdy QazAqparat.
Buǵan deıin habarlaǵanymyzdaı, «Astana arlandary» sapyndaǵy Temirtas Júsipov pen Іlııas Súleımenov jeńiske jetkenimen, Anton Pınchýk, Dilmurat Mıjıtov jáne Ábilhan Amanqul óz qarsylastarynan jeńilis tapqan edi. Ázirge esep kýbalyqtardyń paıdasyna - 4:2 bolyp otyr.
Aıta keterligi, Búkilálemdik boks serııasynda «Astana arlandary» 2012/2013 jyldary jáne 2015 jyly eki ret chempıondyq ataqqa qol jetkizgen bolsa, «Kýba qabyldandary» da 2013/2014 jyldary jáne 2016 jyly jeńimpaz atandy.
