Astanadaǵy festıvalde bıe sútinen jasalǵan balmuzdaq usynyldy
ASTANA. QazAqparat - Halyqaralyq balalar kúnine arnalǵan «Araı» elordalyq saıabaǵynda balmuzdaq festıvali ótti, dep habarlaıdy Astana qalasy ákimdiginiń saıty.
Sharany «Kazbrands» qoǵamdyq qory «Baıtaq bolashaq» ekologııalyq Alıansymen birlesip, Astana ákimdiginiń qoldaýymen uıymdastyrdy.
Sharaǵa «Gormolzavod Kókshetaý», «Emıl», «Shın-laın», «Dep. Qostanaı», «Icemaster», sondaı-aq reseılik, polsha, ıtalııandyq markaly «CopaItalia», «Bombino», «Prıma morojenoe» balmuzdaq óndirýshileri qatysty.
Festıval aıasynda elorda turǵyndary men qonaqtaryna «Táttiqumarlar patshalyǵy» mádenı-saýyqtyrý baǵdarlamasy usynyldy. Onda kórermender anımatorlardyń, ártisterdiń ónerin tamashalap, balalar attraktsıondarda oınap, eresekterge januıalyq bı keshi uıymdastyryldy.
Arnaıy festıval úshin bıe sútinen jasalǵan balmuzdaq usynyldy. Bul «KAZBRANDS» qoǵamdyq qorynan «Balmuzdaq-brend-2017» nomınatsııasyn alǵan jáne Astana qalasy ákiminiń dıplomymen marapattalǵan T. Sharmanov atyndaǵy Qazaq tamaqtaný akademııasynyń zerthanasynda jasalǵan balmuzdaq, - deıdi sharany uıymdastyrýshylar.
Balalar úıi men ınternattarynyń, az qamtylǵan otbasylarynyń balalaryna erekshe kóńil bólinip, olarǵa balmuzdaqtar tegin taratyldy, syılyqtar berildi.
