Astanadaǵy ejelgi pıramıdalar kórmesinde 35-ten astam tarıhı jádiger qoıylady
ASTANA. Tamyzdyń 24-i. QazAqparat /Arman Asqarov/ - Aǵymdaǵy jyly qarasha aıynda elordadaǵy Beıbitshilik jáne kelisim saraıynda ótetin kórmede Mysyr pıramıdalarynda tabylǵan 35-ten astam tarıhı jádigerdiń kóshirmesi qoıylady. Bul týraly búgin jýrnalısterge suhbat bergen «Qulanshy» qazirgi óner ortalyǵynyń jetekshisi Leıla Mahat aıtty, dep habarlaıdy QazAqparat.
Onyń sózine qaraǵanda, ejelgi pıramıdalardyń qazynasyna arnalǵan kórmege Ramzes II jáne Týtanhamon sııaqty ejelgi Mysyr eliniń tarıhı tulǵalarynyń músinderi, sfınkster jáne maskalardyń kóshirmeleri shyǵarylady. «Kórmege qoıylatyn barlyq tarıhı jádigerlerdiń kólemi túnusqalarymen birdeı bolmaq », - deıdi L.Mahat.
