Astanadaǵy Eýrazııa ulttyq ýnıversıtetinde «Salaýatty ómir saltyn qoldaımyz! Jaman ádetke joq deımiz!» atty fakýltetaralyq aktsııa ótedi
ASTANA. Aqpannyń 20-sy. QazAqparat - Aldaǵy dúısenbide, aqpannyń 22-si kúni L.Gýmılev atyndaǵy Eýrazııa ulttyq ýnıversıtetinde «Salaýatty ómir saltyn qoldaımyz! Jaman ádetke joq deımiz!» atty fakýltetaralyq aktsııanyń ashylýy bolady,
dep habarlaıdy QazAqparat.
Aktsııanyń saltanatty ashylýynan keıin qosarlap júzýden Qazaqstannyń qurama komandasy óner kórsetedi dep kútilýde. Jalpy aktsııa aıasynda birneshe is-shara ótkizý josparlanǵan. Máselen, «Jastar arasynda salaýatty ómir saltyn qalyptastyrýdyń quqyqtyq tetikteri» taqyrybynda dóńgelek ústel, «Sportta bizdiń kúshimiz!» sporttyq is-shara, «Jaǵymsyz ádetteri joq álem» fotokórmesi, «Táni saýdyń - jany saý» atty kóńildiler men tapqyrlar saıysy, «Ómiriń - altyn qazynań!» poezııa keshi, «EUÝ - salaýatty ómir salty aýmaǵy» aktsııasy sondaı-aq, Qazzaqstan estradasy juldyzdarynyń qatysýymen «Muz dáýiri» atty sporttyq-shoý uıymdastyrylady.
Aıta keteıik, «Salaýatty ómir saltyn qoldaımyz! Jaman ádetke joq deımiz!» aktsııasy Elbasy N.Nazarbaevtyń bıylǵy Joldaýynda kórsetilgen «Salaýatty ómir saltyn qalyptastyrý jáne azamattardyń óz densaýlyǵyna jaýapkershilikpen qaraý» mindeti aıasynda ótkeli otyr.
