Astanadaǵy etnomádenı ortalyq ókilderi Alǵys aıtý kúnin atap ótti
Qalalyq ákimdiktiń baspasóz qyzmeti habarlaǵandaı, Astana qalasyndaǵy 11 etnomádenı ortalyqtar: ázerbaıjan, evreı, uıǵyr, bolgar, orys, polıak, armıan, ýkraın, ózbek, qyrǵyz, kazak bir shańyraqtyń astynda jınaldy. 
«Etnomádenı ortalyqtardyń kabınetterine saıahat jasaǵan qonaqtar elimizdegi etnostardyń dástúri jáne mádenıetimen tanysty. Merekege oraı árbir mádenı ortalyq ókilderi ózderiniń ulttyq taǵamdaryn usynyp, ortalyqtarynyń jumysymen tanystyrdy jáne qonaqtarǵa shyǵarmashylyq qoıylymdar qoıdy», - dedi Astana qalasynyń QHA ókilderi. 
Іs-shara barysynda Qazaqstan halqy Assambleıasy keńesiniń múshesi Vıdadı Salahov Qazaqstanǵa óziniń rızashylyǵyn bildirdi. 
«Men qazaq halqyna, bizdi qabyldaǵan qazaq jerine qurmetpen qaraımyn. Osy jerde jumys jasap, beıbit ómir súrýge múmkindik bergeni úshin rahmet. Bul - QR Prezıdenti Nursultan Nazarbaevtyń qamqorlyǵynyń arqasy. Memleket basshysy túrli etnostardan quralǵan Qazaqstan halqynyń bir shańyraq astynda berekeli ómir súrýine jaǵdaı jasaýda», - dedi Vıdadı Salahov.
Aıta keteıik, Qazaqstan osymen ekinshi jyl Alǵys aıtý kúnin atap ótýde. Bul mereke Prezıdenttiń 2016 jyldyń 14 qańtaryndaǵy Jarlyǵyna sáıkes, 1 naýryz kúni toılanady.
