Astanadaǵy Etnoaýyldy bıyl «Alpamys» tsırk shoýy ashty
Aýqymdy oqıǵa qazaq mádenıeti men tarıhynyń kóp ǵasyrlyq jaýharyn jınaqtaǵan. Etnoaýyldy óz salasyndaǵy aıryqsha jáne alǵashqy ulttyq joba dep maqtanyshpen aıtýǵa bolady. Keshenniń qaqpasynan kire bergennen qonaqtardy batyr kóshpendilerdiń, sheksiz sar dalany baǵyndyrýshylardyń ejelgi zamanyna qas qaǵym sátte alyp barady. Astananyń mereıtoıyn atap ótýge kelgen ár adam ózi úshin qyzyqty jáne este qalarlyq oqıǵany kórýine múmkindik alady. Etnoaýyl aıasynda etnıkalyq mýzyka jáne teatr óneriniń festıvalderi, kórkem kórmeler, qoldanbaly-sándik óneriniń ár túrli sheberlik sabaqtary, ulttyq sport túrleri boıynsha saıystar, atty-sporttyq is-sharalar ótetin bolady.
2 500 sharshy metrlik aýmaq «Sheberler aýyly», «Sporttyq-tsırktik is-sharalar», «Kontserttik zal», «Demalys alleıasy», «Dástúrli qazaq jáne shyǵys taǵamdary meıramhanasy», «Ulttyq dástúrler men salttar», «Jibek joly» Shyǵys bazary, «Ańshylyqtyń dástúrli túrleri» sekildi sektorlarǵa bólingen.
«Etnoýyl aıasyndaǵy eń aýqymdy kútiletin oqıǵa - Mádenıet jáne sport mınıstrliginiń uıymdastyrýymen «Alpamys» atty teatrlandyrylǵan tsırk shoýy bolady. Qazir munda shoýǵa arnalǵan alańdy jabdyqtaý jumystary aıaqtalýǵa jaqyn. Kórermen nazaryna áýe gımnastaryna arnalǵan biregeı aspalary, sýburqaqtary, arnaıy effektileri men biregeı dekoratsııalary bar joǵary tehnologııaly sahna usynyldy. Kórermen zaly 1 myń adamdyq orynǵa shaqtalǵan», - delingen habarlamada.
«Qazaq áýenderi» AQ-nyń vıtse-prezıdenti Sáken Shakeevtiń aıtýynsha, «Shoý «Rýhanı jańǵyrý» baǵdarlamasynyń aıasynda Mádenıet jáne sport mınıstrliginiń qoldaýymen ótýde.
«Bıyl Astananyń 20 jyldyǵy, osy mereıtoıǵa oraı qala turǵyndary men qonaqtaryna, erekshe áser beretin «Alpamys» teatraldy-tsırk shoýyn syıǵa tartpaqpyz. Qazaq tarıhynyń eń kóne jáne jumbaq betterinen bastaý alatyn Alpamys batyr týraly ǵajap ańyzdyń jelisi ejelgi Bozoq qalasynyń kósheleri men alańdarynda ótedi, Bozoq - búginde Qazaqstannyń jańa astanasy retinde álemge tanymal Astana qalasy», - deıdi ol.
Uly halyq pen ejelgi keremet qalanyń ańyzǵa aınalǵan ótken kúni týraly shoýdy aýqymdy teatraldy-tsırk kórsetilimderine mamandandyrylǵan, kóptegen halyqtyń ańyzdary men mıfterine jańa ómir syılap júrgen «Jýravlı» sport teatry qoıady.
«Alpamys» qoıylymyna ár elden 70 ártis qatysady. Olardyń barlyǵy halyqaralyq tsırk baıqaýlarynyń laýreattary men eń joǵary deńgeıdegi sport saıystarynyń jeńimpazdary, «Cirque du Soleil» tsırki qoıylymdarynyń tájirıbeli qatysýshylary.
Jaz boıy «Etnoaýyl» aýmaǵynda ashyq aspan astyndaǵy «Trapetsııa mektebi» ashylady. Mekteptiń negizgi elementi - ashyq aspan astyndaǵy ushýǵa jáne aýada gımnastıkalyq trıýkterdi jasaýǵa arnalǵan tsırk trapetsııasy. Mektep nusqaýshylary trapetsııada ushýdy úırenýge kómektesedi.
«Alpamys» teatraldy-tsırk shoýy 1 maýsymnan 31 tamyzǵa deıin beısenbi men jeksenbi aralyǵynda «Etnoaýyl» ulttyq-mádenı kesheni aýmaǵynda ótedi. Bıletterdi kassir.kz saıtynan jáne +7-707-346-346-6 telefony arqyly, sondaı-aq qaladaǵy barlyq kassadan alýǵa bolady.
