Astanadaǵy eń bıik ǵımarattardyń biri saýdaǵa shyǵaryldy
ASTANA. QazAqparat - Astanadaǵy 45 qabatty «Zúbárjat kvartal» (B blogy) ákimshilik ǵımaraty gosreestr.kz elektrondy saýda alańyna shyǵaryldy, dep habarlaıdy QazAqparat tilshisi.
Nysandy «QazMunaıGaz-Servıs» JShS saýdaǵa shyǵarǵan. Bastapqy baǵasy - 24 mıllıard 83 mıllıon 228 myń teńge.
Jalpy aýdany 100 923,7 sharshy metrdi quraıtyn ǵımaratpen birge, oǵan japsarlas jatqan jer ýchaskesi, qosalqy ǵımarat jáne jyljymaly múlik te satylady.
Saýda 4 qyrkúıekte bastalady. Kók tiregen ǵımarat Qonaev kóshesi, 8 mekenjaıynda ornalasqan.
