Astanadaǵy emhanalardyń sany eki esege artady
«Astana qalasynda ambýlatorlyq kómek kórsetetin emhanalar sany 16-ǵa jetti jáne olar memlekettik uıymdar. Budan bólek, jekemenshiktegi osyndaı emhanalar 15-ke jýyq ári olar shaǵyn kólemde. 2025 jylǵa deıin memlekettiń qaramaǵyndaǵy emhanalardyń sanyn eki esege arttyrýǵa múddelimiz. Óıtkeni jyl saıyn halyq sanynyń ósýine baılanysty atalǵan nysandarǵa suranys óte joǵary bolyp otyr. Bul sharalar aldaǵy 7-8 jyldyń ishinde júzege asyrylady», - dedi Muratov.
Osy oraıda ambýlatorlyq-emhanalyq 4 nysan men alǵashqy medıtsınalyq-sanıtarlyq kómektiń 7 nysany salynbaq.
«Ambýlatorlyq-emhanalyq nysandar sanatyndaǵy densaýlyq saqtaý ǵımarattary qurylysy boıynsha ınvestıtsııalardyń aldyn ala somasy 23 mlrd teńgege baǵalanyp otyr», - dedi ol.
Tımýr Muratovtyń aıtýynsha, búginde emhanalardyń tozýynyń ortasha deńgeıi 50 paıyzdy qurap otyr, al medıtsınalyq tehnıkamen jasaqtalý 73 paıyz shamasynda.