Astanadaǵy EQYU Sammıtine qatysýshylarǵa qyzmet kórsetý úshin jedel medıtsınalyq járdemniń qosymsha 33 brıgadasy bólinedi
ASTANA. 5 qarasha. QazAqparat /Qanat Mámetqazyuly/ - Astanadaǵy EQYU Sammıtine qatysýshylarǵa qyzmet kórsetý úshin jedel medıtsınalyq járdemniń qosymsha 33 brıgadasy bólinetin bolady. Bul týraly búgin «Jedel medıtsınalyq járdemniń ózekti máseleleri» atty halyqaralyq ǵylymı praktıkalyq konferentsııa barysynda «Respýblıkalyq jedel medıtsınalyq járdem ǵylymı ortalyǵy» AQ Bas dırektory Nurlan Qasymov jýrnalısterge bergen suhbatynda málim etti.
«Astanada 1-2 jeltoqsan kúnderi ótetin EQYU Sammıti kezeńinde jedel medıtsınalyq járdem qyzmeti qalypty rejımde jumys isteıtin bolady. ıAǵnı, elordada qyzmet etip kelgen jedel járdem brıgadalary ózderiniń qyzmetin toqtatpaıdy. Buǵan qosymsha Sammıtke qatysýshylarǵa qyzmet kórsetý úshin 33 brıgada bólinetin bolady», - dedi N. Qasymov.
Onyń aıtýynsha, atalǵan ortalyqtan EQYU sammıtine 15 brıgada bólinip otyr. Jalpy, qosymsha bólinetin jedel medıtsınalyq járdem brıgadalary qalalyq jedel járdem stansasy, QR Prezıdenti Іs basqarmasynyń medıtsınalyq ortalyqtary jáne respýblıkalyq uıymdar esebinen qamtylady.
