Astanadaǵy ekoaılyq: Qalamyzdy kórkeıtý - óz qolymyzda! - QazAqparat HAA FOTOREPORTAJY
ASTANA. QazAqparat - Astanada qalany kóktemgi sanıtarlyq tazartý, abattandyrý jáne kórkeıtý ekologııalyq aılyǵy ótip jatyr, al 19 sáýirde elordada «Biz - taza qala úshin!» jalpyqalalyq senbiligi ótedi. Nazarlaryńyzǵa QazAqparat HAA fototilshisiniń ekoaılyqqa arnalǵan reportajyn usynamyz.
Astana qalasy ákimi baspasóz qyzmeti men astana.kz aqparaty boıynsha, elordadaǵy ekologııalyq aılyq aıasynda qala aýmaǵyn sanıtarlyq tazartý, kóshelerdi, jaıaýsoqpaqtardy sypyrý, Esil, Aqbulaq jáne Sarybulaq ózenderiniń arnasyn qoqystan jáne basqa da turmystyq qaldyqtardan tazartý, aryqtar men kárizderdi tazartý jumystary júrgiziledi. Sondaı-aq gúlzarlar men gúlzarlar alańdaryn abattandyrý, qary ketken aýmaqtardy qopsytý jáne basqa da sharalar júrgiziledi.
7 sáýirden 7 mamyrǵa deıin ótetin ekologııalyq aılyq kezeńinde «Astana qalalyq jaryq» JShS, «Elorda-Jarnama» JShS, «Astana Jylýtranzıt» AQ, «AstanaGazQyzmet» JShS, «Astana AEK» AQ, «Astana Sý arnasy» MKK, «SST Laıtıng» JShS kommýnaldyq kásiporyndary nysandardy jańǵyrtyp, qalpyna keltirmek, al «Astana Zelenstroı» AQ qalany kógaldandyrýmen aınalysady.
Jalpyqalalyq senbilik kezinde oǵan 90 000-ǵa jýyq adam, 8 500 kásiporyndar men uıymdar, 170 oqý oryndary, 360 KPIK, qatysýy kútiledi, bul jumystarǵa 450 birlikke jýyq tehnıka jumyldyrylmaq. Sonymen birge, bıylǵy jyly senbilikte 2 700 kóshetter, onyń ishinde «Almaty» aýdanynda - 1 000 aǵash (Qaldaıaqov jáne 46-kóshelerde), «Esil» aýdanynda - 1 500 aǵash (Jánibek jáne Kereı handar kóshelerinde, Turan dańǵylynan Eńbekshiler kóshesine deıin) jáne «Saryarqa» aýdanynda - 200 aǵash (Tilendıev kóshesinde) otyrǵyzý josparlanýda.
***
Bizdiń búgingi fotoreportajymyzdyń keıipkerleri - qalamyzǵa kóktemdi jaqyndatyp, erekshe jaılylyq uıalatyp, qala turǵyndarynyń shýaqty kóńil-kúıin keltirýge jan aıamaı eńbek etip júrgen adamdar. Bular - PIK jáne qalalyq kommýnaldyq sharýashylyqtar qyzmetkerleri. Olardyń qolymen qala kelbeti jańǵyryp, onyń árbir turǵynynyń jan dúnıesine qýanysh nury uıalaıdy.
Qalalyq saıabaqtar men skverler - jan jadyratar demalys oryndary.
Qýanysh Álimjanov, 60 jasta. «Mine, kóktem de keldi! Aınala jańǵyryp, gúlge oranýda, sondyqtan da qala aýmaǵyn tazartý qajet. Tazalyq - kóńildi jadyratady, biz qalanyń árbir turǵynyna kóktem tynysyn sezdirgimiz keledi».
Kóktemde aǵashtardy «jasandyryp» kútý qajet. Al ótken jylǵy japyraqtar, butaqtar qoqysqa áketiledi.
Aleksandr Plotnıkov, 36 jasta. «Eń bastysy qalany lastamaý - tazalyq kepili, sondyqtan qalamyzdyń árqashan da jaıly bolǵanyn qadaǵalaımyz».
Esil jaǵalaýy. Qala turǵyndarynyń demalatyn súıikti orny.
Serikbaı Baıbosynov, 55 jasta. «Men 25 bes jyldyq ótilim bar kánigi balyqshymyn. Demalys kúnimdi qur jibermeı Esil jaǵasynda ótkizemin. Keıde balyqpen birge, tsellofan oramalar men plastmassa bótelkeleri de iligedi. Sondyqtan da ózendi ártúrli qoqystardan da tazartýǵa týra keledi». Islam Tsýloev, 23 jasta. «Biz oryndyqtardy syrlap, demalýshylarǵa jaıly bolýyn qalaımyz. Al qala turǵyndarymen ádemi».
Oryndyqtar otyryp demalatyn oryn ǵana emes, qalaǵa kórik beretin jıhaz deýge bolady, onyń dızaınymen mamandar aınalysady. Jasulan Amanbaev, 45 jasta. «Eger adamdar tazalyq saqtaıtyn bolsa, kóńil-kúıiń de kóteriledi, ómir de sándi».
Kún jylynǵan saıyn qala kóshelerine kún saıyn sý shashylyp, aýasy da kóńil sergitedi. Astana turǵyndaryn, barlyq qazaqstandyqtardy óziniń týǵan qalasyn abattandyrýǵa shaqyramyz. 19 sáýirde - senbilikke tegis qatysaıyq!
