Astanadaǵy eki basqarmanyń basshysy jazalanýy múmkin
ASTANA. QazAqparat - Astana qalasynyń jer qatynastary men turǵyn-úı basqarmalarynyń jetekshileri tártiptik jazaǵa tartylýy múmkin. Sebebi atalǵan eki organda jemqorlyq áreketterge sebep bolatyn jasyryn memlekettik qyzmetter kórsetiledi, dep habarlaıdy QazAqparat tilshisi.
QR Memlekettik qyzmeti isteri jáne sybaılasjemqorlyqqa qarsy kúres agenttiginiń Astana qalasy boıynsha departamentiniń jetekshisi Roman Kımniń aıtýynsha, osy ýaqytqa deıin ákimdikke qarasty 15memlekettik organnyń jumysyna monıtorıng jasalyp, jemqorlyqty joıý boıynsha eskertýler jasaldy. Alty aıdyń ishinde olardyń tarapynan tıisti sharalar qolǵa alynýy shart. Degenmen, eki basqarma jemqorlyqqa qatysty eskertýlerdi eskergen de joq.
«Olardyń ishinde jer qatynastary basqarmasy men turǵyn-úı basqarmasy bar. Máselen, jer qatynastary basqarmasynda tórt jasyryn memlekettik qyzmetter anyqtaldy. Al turǵyn-úı basqarmasynda bir jasyryn qyzmetbar bolyp shyqty. Al «jasyryn memlekettik qyzmet» degen ne? Ol túr-turpaty jaǵynan memlekettik qyzmetke jatsa da, memlekttik qyzmetterdiń reestrine kirmeıdi. Bul degenimiz, oǵan qatysty standart ta joq, reglament te belgilenbegen degen sóz. Demek, ondaı memlekettik qyzmetti kórsetýge zańnamalyq negiz joq. Mine, dál osyndaı jasyryn qyzmetter jemqorlyq áreketterge jol ashady. Osy oraıda aıta keteıin, jaqyn arada biz osy materıaldardy etıka boıynsha arnaıy keńestiń talqysyna shyǵaryp, atalǵan eki basqarmanyń bastyǵyn tártiptik jazaǵa tartý máselesin kóteretin bolamyz», -dedi R.Kım búgin Astanada ótken jıyndardyń birinde.
Arman Asqarov
