Astanadaǵy «Edem Palas» TK lıftileriniń «qulaýyna» qatysty túsinik berildi
ASTANA. QazAqparat - «Astana qalasynyń Turǵyn úı ınspektsııasy basqarmasy» memlekettik mekemesi elordadaǵy «Edem Palas-1» jáne «Edem Palas-2» túrǵyn úı keshenderinde lıftterdiń qulaýy oqıǵalaryna túsinik berdi, dep habarlaıdy QazAqparat.
«Qulaǵan joq, atalǵan oqıǵa adamdardyń lıftte qalyp qoıýymen sıpattalady. «Edem Palasta» lıftterdiń isten shyǵýy sebebin tıisti saraptama anyqtaıdy»,-dep atap ótilgen basqarma jaýabynda.
Memlekettik mekeme málimetinshe, lıftterdiń qulaýy faktileri bıyl jáne 2016 jyly tirkelmedi.
Sonymen qatar Turǵyn úı ınspektsııasy basqarmasy lıftterge qyzmet kórsetý salasynda bar problemalardy atady. Onyń ishinde ónerkásiptik qaýipsizdik salasyndaǵy zańnamada oryn alyp turǵan qaıshylyq saldarynan lıftilik uıymdar jumysyna memlekettik qadaǵalaýdyń joqtyǵy atap ótildi.
Esterińizge sala keteıik, bıyldyń sáýirinde «Edem Palas-1» jáne «Edem Palas-2» turǵyndary eki ret lıftiniń tutqyny boldy. 13 sáýirde «Edem Palas-2» kesheninde jedelsatyda segiz adam qamalyp qalǵan edi. Lıft altynshy qabattan birinshi qabatqa deıin qalypty túsip, keıin birinshi qabattan jertólege qaraı quldılaǵan. Al 21 sáýirde «Edem Palas-1» turǵyn úıinde 17-qabattan bir qyz mingent lıft tómen qaraı zýlaı jónelgen. Qosalqy arqannyń ustap qalýynan, ol 8 ben 9-qabattardyń arasynda toqtaǵan.
