Astanadaǵy dzıýdodan ótip jatqan álem chempıonatyna 800-ge jýyq palýan qatysýda (FOTO)
ASTANA. QazAqparat - Búgin Astanada dzıýdo kúresinen lıtsenzııalyq álem chempıonaty bastalady. Rıo Olımpıadasyna joldama taratatyn jarysqa Qazaqstan quramasy tolyq qurammen qatysýda, dep habarlaıdy astana.gov.kz.
Elimizde alǵash ret ótip otyrǵan baıraqty básekede 137 memleketten 800-den astam sportshy kúsh synaýda.
Tamyzdyń 30-yna deıin jalǵasatyn dodaǵa 1000-ǵa jýyq qonaq keldi. Olardyń qatarynda bapkerler men federatsııa basshylary, sondaı-aq basqa da laýazym ıeleri bar.
Jarys erler men qyzdar arasynda 7 salmaq dárejesi boıynsha ótedi. Sondaı-aq, sońǵy kúni komandalar ózara synǵa túsedi. Bul jarysta el namysyn dzıýdodan álem chempıony Maksım Rakov, álem chempıonatynyń kúmis júldegeri Azamat Muqanov, Azııa oıyndarynyń chempıony Eldos Smetov pen Olımpıada oıyndaryna qatysqan Aleksandra Podrıadova men Gúljan Isanova syndy sportshylarymyz qorǵaıdy.
Búgin dodanyń alǵashqy kúninde tatamıge 60 keli salmaqtaǵy erler men 48 keli salmaq dárejesindegi qyzdar shyqty.
