Astanadaǵy dúkennde adam densaýlyǵyna qaýipti nan qospasy anyqtaldy

ASTANA. QazAqparat - Qoǵamdyq densaýlyq saqtaý komıteti quramynda gendik-túrlendirilgen ıngrıdıentteri mólsherden asyp ketken nan qospasyn (klıar) anyqtady, dep habarlaıdy QazAqparat komıtettiń baspasóz qyzmetine silteme jasap.

«QR Densaýlyq saqtaý mınıstrliginiń Qoǵamdyq densaýlyq saqtaý komıteti Astana qalasyndaǵy «Domashnıı prodýkt»  sýpermarketinde (38 kóshe, 4 úı) ónimniń qaýipsizdigine monıtorıng júrgizý barysynda quramynda bıdaı uny, júgeri krahmaly, ashytqy, tuz jáne qara burysh salynǵan «Klıar» saýda ataýy bar adam densaýlyǵyna qaýipti nan qospasyn anyqtady», - delingen habarlamada.

Zerthanalyq saraptama nátıjesi ónimde genetıkalyq túrlendirilgen soıanyń sandyq quramy 7-den 110 esege deıin, sondaı-aq quramy 0,9% ruqsat etilgen jaǵdaıda júgeriniń 1,6% - ǵa deıin artýyn anyqtady.

Sonymen qatar, ónim qaptamasynda gendik-túrlendirilgen ıngrıdıentterdiń quramy týraly aqparat kórsetilmegen.

Esterińizge sala keteıik, azyq-túlik ónimderindegi genetıkalyq túrlendirilgen aǵza quramynyń ruqsat etilgen normasy Alımentarıýs kodeksiniń Halyqaralyq tamaq standarttaryna sáıkes 0,9%-dan aspaıdy jáne ol mindetti túrde qaptamada kórsetilýi tıis.

Atalǵan ónimniń óndirýshisi-Ońtústik Koreıa kompanııasy «Nulpureun Co.Ltd» JShQ ımporttaýshy «QOF» (Reseı Federatsııasy).

Qazirgi ýaqytta sanıtarııalyq-epıdemıologııalyq organ ónimdi anyqtaý jáne aınalymnan alyp tastaý jóninde qajetti sharalar qabyldaýda.

Dúken sórelerinde atalǵan sáıkes kelmeıtin ónimder anyqtalǵan jaǵdaıda jazbasha nemese 8 [phone]  nómiri boıynsha komıtetke nemese onyń aýmaqtyq departamentterine (kooz.dsm.gov.kz/ru saıtynda kórsetilgen) júginýge bolady.