Astanadaǵy «Dostyq sherýi» velosherýine myńnan astam adam qatysty
ASTANA. QazAqparat - Astanada Qazaqstan halqynyń birligi kúnine oraı «Dostyq sherýi» atty velosherý ótkizildi. Aýqymdy sharany qala turǵyndaryn belsendi jáne salaýatty ómir saltyna baýlý, sondaı-aq kúndelikti ómirde velosıpedpen júrýdi dáripteý maqsatynda Astana qalasynyń mádenıet jáne sport basqarmasy uıymdastyrǵan, dep habarlaıdy QazAqparat tilshisi.
Jarys saǵat 13:00-de «Báıterek» monýmentiniń aldyndaǵy alańda bastaldy. Marshrýttyń uzyndyǵy - 4100 m. Velosherýge qatysýshylar Astananyń sol jaǵalaýymen júrip ótti. Sporttyq is-shara Astananyń 20 jyldyǵy jáne «Rýhanı jańǵyrý» baǵdarlamasy aıasynda júzege asyrylyp otyr.
«Qazaqstan halqynyń birligi kúni merekesimen Astana qalasy atynan quttyqtaýǵa ruqsat etińizder. Mynaý búgingi velosherýimizge birshama adam qatysqaly otyr. Elbasymyzdyń Elordanyń aldyna qoıyp otyrǵan kóp talaptary bar. Sonyń biri - sportpen aınalysatyn astanalyqtardyń sanyn kóbeıtý. Buqaralyq sport túrlerin keńirek damytýdyń naǵyz aıǵaǵy retinde sizder kelip otyrsyzdar. Árqaısysyńyzdy búgingi merekemen quttyqtaımyn. Arnaıy daıyndalyp, kelip tirkelgenderińiz úshin sizderge rahmet. «Rýhanı jańǵyrý» degen mine osy - jańa dástúrlerdiń paıda bolýy», - dep quttyqtady jınalǵandardy qala ákiminiń orynbasary Ermek Amanshaev.
Sharaǵa álemdik deńgeıde el namysyn qorǵap júrgen tanymal veloshabandozdar, belgili sportshylar, etno-mádenı birlestikterdiń ókilderi, sondaı-aq, 12-den asqan elorda turǵyndary men qonaqtary qatysty. Munymen qosa, velosherýge «Astana» Prezıdenttik klýbynyń «Astana Pro Team» kásipqoı komandasynyń ókili Dmıtrıı Grýzdev te shaqyrylǵan. Bul sportshy - Qazaqstannyń úsh dúrkin chempıony, sondaı-aq jeke jarysta Azııanyń eki dúrkin chempıony.
Uıymdastyrýshylardyń aıtýynsha, «Dostyq sherýine» 1100-den astam adam qatysqan. Alańda sherýge qatysýǵa nıet bildirgender velosıpedti jalǵa aldy. Jarys aldynda kontserttik baǵdarlama ótkizildip, velosherý aıaqtalǵan soń tirkelgen qatysýshylar arasynda velosıpedter men basqa da baǵaly syılyqtar oınatyldy.
