Astanadaǵy doner ortalyqtarynyń birinde órt shyǵyp, aspaz zardap shekti - TJD
ASTANA. QazAqparat - Astanadaǵy doner ortalyqtarynyń birinde órt shyǵyp, aspaz zardap shekti, dep habarlady TJ boıynsha astanalyq departamenttiń baspasóz qyzmeti.
«15 shilde kúni, 12:39-da «101» pýltine Bógenbaı batyr kóshesi, 44 mekenjaıyndaǵy órt týraly habarlama túsken. Órt ornyna birinshi órt bólimshesiniń kelýimen, gaz ballonynan órt týyndaǵany belgili boldy. «Darhan» dámhanasy janyndaǵy doner daıyndaıtyn ortalyq órtengen», - delingen habarlamada.
Qutqarýshylardyń málimetinshe, órt aýmaǵy 10 sharshy metrdi sharpyǵan. Beti men qolyn kúıik shalǵan (15% kúıik) 1994 jyly týǵan aspaz aýrýhanaǵa jetkizildi. 12:54-te órt sóndirildi. Órtti sóndirýge 7 dana tehnıka jáne jeke quramnan 23 adam jumyldyryldy.
Astananyń TJD turǵyndarǵa órt qaýipsizdigin saqtaý jáne ómir men densaýlyqqa qaýip tóndirmeý týraly keńes beredi.
