Astanadaǵy dóner dúńgirsheginde bolǵan órtten bir adam zardap shekti
ASTANA. QazAqparat - Astanadaǵy dóner dúńgirsheginde bolǵan órtten bir adam zardap shekti, dep habarlaıdy «QazAqparat» HAA tilshisi.
«23 qarasha kúni saǵat 17.47-de Manas kóshesi 5 meken-jaıynda bolǵan órt týraly aqparat kelip tústi. Alǵashqy órt sóndirýshiler barǵan kezde 40 sharshy metrlik aýmaqty alyp jatqan dóner dúńgirshegi gaz ballonynyń atylýynan otqa oranǵan. Dóner dúńgirshegi tolyqtaı órtengen. Sol mańnan ótip bara jatqan 1977 jylǵy er adam zardap shekken, ol aýrýhanaǵa jetkizildi», - delingen TJD habarlamasynda. Órt saǵat 18.22-de joıyldy. Órt sóndirýshiler órttiń ary qaraı taralýyna jol bermegen. Ony sóndirýge úsh tehnıka men 27 qutqarýshy jumyldyryldy.
