Astanadaǵy Dermatologııa ortalyǵynyń 9 dárigeri dermatoskopııadan ótkizý ádisin biledi
ASTANA. 10 qyrkúıek. QazAqparat - «Densaýlyq festıvali-2013» aıasynda Astanadaǵy Dermatologııa ortalyǵynda ashyq esik kúni ótti. Ortalyqta bundaı aktsııa ótkizý 3 jyldan beri dástúrge aınalǵan.
Osy shara barysynda qalalyq onkologııa dıspanseriniń onkologtarymen birlese barlyq tilek bildirýshilerge ár túrli qyzmetter kórsetildi: teri aýrýlaryn anyqtaý maqsatynda teri jabyndysyn jalpy tekserý, dermatoskop apparatymen teride jańa túzilisterdi anyqtap, glıýkoza deńgeıi, deneniń artyq salmaǵy (Ketle ındeksi) jáne arterıaldyq qysym ólshendi.
Búgingi tańda Ortalyqtyń 9 dárigeri dermatoskopııadan ótkizý ádisin biledi. Aktsııa kúni 62 adam qaraldy, barlyq qaralǵandarǵa terini kútý boıynsha keńester berilip, úsh emdelýshige onkodıspanserge joldama berildi. Glıýkometr arqyly 23 adamnyń qanty ólshendi. Tekserý barysynda eki jasóspirim bala men 11 eresek adamda ár túrli teri patologııasy anyqtaldy.
