Astanadaǵy «Densaýlyq festıvali - 2012» aktsııasyna 4 myńnan astam adam qatysty
ASTANA. 8 qyrkúıek. QazAqparat - Búgin Astanadaǵy «Jeruıyq» saıabaǵynda «Men, sen, ol, bárimiz - salaýatty elmiz» uranymen densaýlyq festıvali ótýde.
Oǵan 4 myńnan astam qatysýda.
Bıylǵy festıval jappaı júgirýden bastaldy. Oǵan qatysqan 4 myńnan astam adam Jumabaev kóshesimen eki shaqyrymdaı júgirip, «Jeruıyq» saıabaǵynda jınaldy. Bul jerde olar voleıbol, arqan tartý, armreslıng jáne estafeta saıystaryna qatysyp jatyr. Al «Densaýlyq qalashyǵynda» dárigerlerden tegin keńes alyp, densaýlyqty tekserip shyǵýǵa bolady. Aktsııa aıasynda qazaq estradasy juldyzdarynyń gala-kontserti men jarys jeńimpazdaryn marapattaý rásimi ótedi.
Іs-sharanyń uıymdastyrýshylary - Astana qalasynyń ákimdigi, Densaýlyq saqtaý basqarmasy jáne Salaýatty ómir saltyn qalyptastyrý ortalyǵy.
