Astanadaǵy daýyl: «Dýman» qonaq úıiniń vıtrajdy terezeleri syndy
ASTANA. QazAqparat - QR Іshki ister mınıstrliginiń Tótenshe jaǵdaılar komıteti Astanadaǵy qatty daýyl men burshaqty nóser saldary týraly baıandady.
«Astanadaǵy jeldiń uıytqyp soǵýynan QR Ulttyq mýzeıiniń qasbetindegi taqtalar qulady. Qaladaǵy jeke úıdiń jáne Mıchýrın kentindegi №3 mekteptiń shatyryna zaqym keldi. Qolaısyz aýa raıynan zardap shekken adamdar týraly aqparat 112 qyzmetine kelip túsken joq», - dep málim etti QR ІІM Tótenshe jaǵdaılar komıtetiniń resmı ókili Rýslan Imanqulov.
Aıta keteıik, búgin túste elordada qatty daýyl soǵyp, burshaq aralas nóser jaýdy. Saldarynan Almaty-Túrkistan kósheleriniń qıylysynda kran qulap, turǵyndar «pıramıda» atap ketken Beıbitshilik jáne kelisim saraıynyń áınekteri syndy. «Dýman» qonaq úıiniń holyndaǵy vıtrajdy terezeler shaǵyldy. Turǵyn úıler men ǵımarattardyń syrtqy qaptamalary, sonyń ishinde kirpishter kókke ushty. Jol jıegindegi betondy dińgekter qulady. Saldarynan qalanyń ár aýdanyndaǵy turaqtarda kóptegen avtokólikke zaqym keldi.
Qazir tabıǵattyń tosyn minezinen zardap shekken adamdardyń bar-joǵy anyqtalýda.
Buǵan deıin, Qazgıdromet Qazaqstannyń basym bóliginde jaýyn jaýatynyn eskertken edi.
V vestıbıýle otelıa «Dýman» vybılo vse stekla. #a98
