Astanadaǵy «TsÝM-nyń» ornyna 5 qabatty keshen salynady
NUR-SULTAN. QazAqparat – Elordalyq Sáýlet, qala qurylysy jáne jer qatynastary basqarmasy Ortalyq ámbebap dúkeniniń (TsÝM) ornyna salynatyn ǵımarattyń syzbalaryn kórsetti, dep habarlaıdy QazAqparat.
Onda jeke ınvestor jerasty avtoturaǵy bar bıznes ortalyǵyn turǵyzýǵa nıetti.
«Kópfýnktsııaly keshende saýda ortalyǵy, turǵyn úıler jáne 489 orynǵa arnalǵan jerasty avtoturaǵy qarastyrylǵan. Sonymen birge, eki fontan tostaǵany ornatylyp, jerasty avtoturaqtan shyǵatyn jabyq kolonna da salynady», - dep habarlady astanalyq basqarmadan.
Saýda ortalyǵy 5 qabattan turady, onyń aýdany – 51 157 sharshy metr. Ár qabatta túrli sanattaǵy tamaqtaný núkteleri ashylady.
Odan bólek, keshende 5 kınozaldan turatyn kınoteatr-mýltıpleks, 6 jolaǵy bar boýlıng, balalar kesheni jáne SPA-bólimi bar saýyqtyrý ortalyǵy jumys istemek.
Aıta keteıik, qazirgi «Sine Tempore» saýda ortalyǵy qalalyq ákimdik ǵımaratynyń janynda, Kenesary men Beıbitshilik kósheleriniń qıylysynda ornalasqan.
