Astanadaǵy «Tsesnabankke» jarylǵysh zattyń qoıylǵandyǵy týraly jalǵan habardyń avtory 14 jastaǵy jetkinshek bolyp shyqty
ASTANA. 17 qazan. QazAqparat - Astana qalalyq ІІD-ne aǵymdaǵy jyldyń 16 qazanynda saǵat 13:22-de «Tsesnabanktiń» ǵımaratyna jarylǵysh zattyń qoıylǵandyǵy týraly aqparat kelip tústi, dep habarlady vedomstvonyń baspasóz qyzmetinen.
Oqıǵa ornyna kóp uzamaı Astana qalalyq ІІD-niń tergeý-jedel toby, UQKD, prokýratýra ókilderi, ІІD-niń «Arlan» arnaıy maqsattaǵy bólimshesiniń qyzmetkerleri kelip jetti. 300 adam qaýipsiz jerge kóshirildi.
Jarylǵysh zat týraly habarlamany tekserý barysynda quqyq qorǵaý organdarynyń qyzmetkerleri ǵımarattyń bólmelerin qarap shyqty. Nátıjesinde qaýipti zat anyqtalǵan joq.
Jedel-izdestirý is-sharalaryn ótkizý barysynda eki saǵattyń ishinde telefon arqyly jalǵan habarlamany taratqan tulǵa anyqtaldy. Óskemenniń 1998 jylǵy týmasy óz kinásin moıyndady.
Atalǵan fakti boıynsha tergeý amaldary júrgizilýde.
