Astanadaǵy «búkir» kópir qaıta jabyldy
ASTANA. Sáýirdiń 8-i. QazAqparat - Astanada Bógenbaı batyr dańǵyly boıynda ornalasqan, el aýzynda «búkir» atalyp ketken kópirdiń ústimen qozǵalys toqtatyldy,
dep habarlaıdy QazAqparat qala ákimdiginiń baspasóz qyzmetine silteme jasap.
Jol aıyryqtyń jabylý sebebin Jolaýshylar kóligi jáne avtomobıl joldary basqarmasynyń bastyǵy Rashıd Amanjolov túsindirip berdi. Onyń aıtýynsha, keshe, sáýirdiń 7-si kúni jartylaı tirkemesi bar «Renaulte» avtokóligi bıiktigi 5,6 metr bolatyn DEK-251 kranyn kópirdiń astymen alyp ótpek bolyp, onyń betondy qurylymyn buzyp ketken. Júrgizýshi krannyń bıiktigi ruqsat etilgen normadan asyp ketkenin eskermegen. Onymen qosa, kólik ıesi oqıǵa ornynan dereý izin jasyrǵan.
Jol polıtsııasy basqarmasynyń málimetterine sáıkes, jol apaty týraly habarlama «Anar» kezek bólimine saǵat 22.41-de kelip túsken. Oqıǵa ornyna Astana qalasy ákiminiń orynbasary Qanat Sultanbekov basqarǵan arnaıy komıssııa dereý jetip, kópir qurylysyn júrgizgen «Djeılan Lımıted» JShS-nyń ókilderi shaqyryldy.
Shuǵyl izdestirý sharalarynyń barysynda kólik ıesi ustaldy.
