Astanadaǵy buqaralyq marafonǵa kenııalyq jelaıaqtar qatyspaq
ASTANA. QazAqparat - «Astana-2017» marafonyna qatysý úshin 3 myńnan astam adam nıet bildirdi, dep habarlaıdy QazAqparat qala ákimdiginiń medıa-ortalyǵyna silteme jasap.
«Qazirgi tańda Astana marafonyna 3724 qatysýshy tirkeldi. Biraq áli de on kúnge jýyq ýaqyt bar, sondyqtan kútemiz. Shara bastalǵanǵa deıin 4,5 myń - 5 myńǵa jýyq adam tirkeledi dep oılaımyz, - habarlady medıa ortalyq tilshisine «Astana marafony» dırektory Gaýhar Bramleı-Fenton.
Eske salaıyq, marafonǵa qatysý úshin uıymdastyrýshylardyń www.astana42k.com saıtynda onlaın tirkelýge bolady.
Bıyl marafon elordada 17 qyrkúıek kúni ótedi. Sportshylar 3 qashyqtyq boıynsha jarys jolyna shyǵady: 42,2 shaqyrym, 21,1 shaqyrym jáne áýesqoılar úshin 10 shaqyrym. Budan bólek, mejeni skandınavııalyq júrispen baǵyndyrýǵa bolady.
Sharaǵa Kenııa elinen esimderi álemge belgili jelaıaqtar qatysatyny kútilýde. Olardyń arasynda Saımon Kıprýgýt Kırýı (Simon Kiprugut Kirui), Genrı Kıpsang (Henry Kipsang) jáne Cheboı Hılda Djepkogeı (Cheboi Hildah Jepkogei) bar.
Marafon 17 qyrkúıek kúni EKSPO halyqaralyq mamandandyrylǵan kórmesine qarama-qarsy R4 avtoturaq aýmaǵynda bastalady.
