Astanadaǵy búgingi jármeńkede 800 tonnaǵa tarta aýyl sharýashylyǵy ónimderi satylady
ASTANA. 12 qazan. QazAqparat - Búgin Astana qalasynyń ortalyq alańynda Batys Qazaqstan jáne Atyraý oblystarynyń aýyl sharýashylyǵy ónimderi jármeńkesi ashylady.
Jármeńkede 800 tonna ónim satylǵaly otyr. Atap aıtqanda, Batys Qazaqstan oblysy 700 tonnaǵa jýyq ónim alyp keldi. Onyń jalpy quny - 150 mln. teńge. Aımaqtyń 12 aýdany et, qartop, pııaz, sábiz, qyzylsha, qyryqqabat, balyq, qymyz ben sú ónimderin satpaq. Al Atyraý oblysynyń kásipkerleri jeti aýdannyń atynan kelip otyr. Olardyń ónimi 80 tonnany qurap, 40 mln. teńgege baǵalandy. Barlyq taýarlar naryqtyq baǵadan 10-20 paıyzǵa arzan satylady.
