Astanadaǵy Botanıkalyq baqta qaraǵaı aǵashtary otyrǵyzyldy

ASTANA. QazAqparat - Bas prokýratýranyń Quqyqtyq statıstıka jáne arnaıy esepke alý jónindegi komıteti jáne onyń aýmaqtyq organdary Respýblıka kúnine oraı qorshaǵan ortany jaqsartýǵa baǵyttalǵan birqatar ekologııalyq is-sharalardy uıymdastyrdy, dep habarlaıdy QazAqparat.

Búgin elordanyń Botanıkalyq baǵynda Komıtet tóraǵasy Sábıt Nurlybaı «Esil» aýdanynyń ákimi Asylbek Esenbaevpen birge qaraǵaı aǵashtaryn otyrǵyzdy.

«Ekologııalyq damý jáne qorshaǵan ortany qorǵaý elimiz úshin mańyzdy mindetterdiń biri bolyp tabylady. Sondyqtan «jasyl taldar» aktsııalary barlyq azamattarǵa jaqsy dástúrge aınalýy tıis», - dep Sábıt Nurlybaı atap ótip, qatysýshylardyń barlyǵyna alǵysyn bildirdi.

Óz kezeginde aýdan ákimi Asylbek Esenbaev árbir azamattyń elorda kelbetin saqtaýǵa jáne damytýǵa, ár azamattyń osyndaı ekologııalyq is-sharalar arqyly qatystysýynyń mańyzdylyǵyn atap ótti.

Osyndaı aktsııalardy quqyqtyq statıstıka jáne arnaıy esepke alý organdary ákimdiktermen birge elimizdiń birqatar basqa óńirlerinde uıymdastyrdy. Qalalardyń kóshelerin jáne ákimshilik ǵımarattardyń aýmaqtaryn tazartý boıynsha senbilikter ótkizildi.

Іs-sharanyń negizgi maqsaty ekologııalyq mádenıet deńgeıin arttyrý, qalalarda tazalyqty saqtaý máselelerine jurtshylyqtyń nazaryn aýdarý, qorshaǵan ortaǵa uqypty qaraý qajettiligi bolyp tabylady.

Foto : gov.kz