Astanadaǵy borannyń saldary: qulaǵan shyrsha, qıraǵan aıaldama men balkon
ASTANA. QazAqparat - Astanada qatty soqqan jeldiń saldarynan shyrsha qulady, dep habarlaıdy «QazAqparat» HAA.
«11 qańtarda 09 saǵat 23 mınýtta qatty soqqan jeldiń saldarynan «Ailand» otbasylyq demalys ortalyǵynyń aldynda shyrsha qulap, qýanyshqa oraı, eshkim zardap shekpedi», - delingen Astana qalalyq monıtorıng jáne jedel jaýap qaıtarý ortylyǵynyń Facebook-tegi paraqshasynda. 
Sondaı-aq, áleýmettik jelilerde kópqabatty turǵyn úıdiń balkony qırap jatqan vıdeo paıda boldy.
Redaktsııaǵa elordadaǵy qatty jeldiń saldary beınelengen sýretter kelip jatyr. Onda qulaǵan aıaldama men avtomobıldiń ústine túsken metall qurylymdar beınelengen.
Sonymen qatar, ákimdik elorda turǵyndary men qonaqtaryn burqasynda abaı bolýǵa shaqyrýda. Zaqymdanǵan ǵımarattarda, jarnama baǵandarynyń tasasyna, avtobýs aıaldamalarynda tyǵylýǵa keńes bermeıdi, sebebi shatyr jabyndysynyń qulap ketý qaýpi bar. 
