Astanadaǵy boranda jumys istegen jýrnalıster eldi súısintti
ASTANA. QazAqparat - Jelide aq tútek boranda Astana kóshelerinde reportaj jasap jatqan «Qazaqstan» arnasynyń tilshileri týraly vıdeo jarııalandy, dep habarlaıdy QazAqparat.
Vıdeony atalmysh telearnanyń basshysy Erlan Qarın Feısbýktegi óz paraqshasyna júktedi.
«Meniń áriptesterim - óz isiniń naǵyz sheberleri. Astananyń búgingi boranynda «Qazaqstan» arnasynyń «jańalyq shyǵarýshylary» qalaı jumys istegenin kórińizder», - dep jazdy telearna basshysy.
Aıta keteıik, búgin elordada buryn-sońdy bolmaǵan boran saldarynan tabıǵı sıpattaǵy tótenshe jaǵdaı jarııalandy. Kóptegen ǵımarattardyń shatyrlary kókke ushty. Bir táýlikte 60-tan astam jol-kólik oqıǵasy tirkeldi. Qala ákimi Áset Isekeshev astanalyqtar men qala qonaqtaryna úıden shyqpaýǵa keńes berdi. Mektepterde birinshi jáne ekinshi aýysymdaǵy 0-11-synyp oqýshylary men kolledjderdiń 1-2 kýrs stýdentteri úshin sabaq bolǵan joq.
Sınoptıkterdiń boljaýyna qaraǵanda, 12 qańtar kúni burqasynnyń beti qaıta bastaıdy. Batystan, soltústik-batystan sekýndyna 9-14 metr jyldamdyqpen jel soǵyp, túnde aýa temperatýrasy -11...-13 gradýsqa deıin tómendeıdi.
