Astanadaǵy boran: Elektr jelilerinde 30 aqaý oryn aldy
NUR-SULTAN. QazAqparat – «Astana REK» elorda turǵyndarynan boran saldarynan týyndaǵan qolaısyzdyq úshin keshirim surady, dep habarlaıdy QazAqparat tilshisi.
Bul týraly Aqmola oblysynyń Tótenshe jaǵdaılar departemintiniń baspasóz qyzmeti málimet berdi.
«Ekpindi jel men tolassyz jaýyn-shashynnyń saldarynan 10 kV kerneýli elektr jelilerinde 30 tehnologııalyq aqaý oryn aldy. Onyń ishinde «Astana-REK» aktsıonerlik qoǵamyna qaraıtyn jelilerde 20 aqaý boldy.
Qazir 18 aqaý joıyldy. Qalǵan 2 aqaýdy joıý jumystary júrip jatyr. Apattyń saldaryn joıyp, qalpyna keltirý jumystaryna 19 brıgada, arnaıy tehnıka men dızeldi generator jumyldyryldy. Elektrmen jabdyqtaý qyzmeti tolyqtaı qalpyna kelgenshe jumys táýliktik rejımde jalǵasady», - dep jazylǵan kompanııanyń baspasóz qyzmeti usynǵan aqparatta.
Kásiporynnyń málimeti boıynsha, aqaýlardyń basty sebebi – qolaısyz aýa raıy.
«Jelige bógde zattardyń túsýinen qysqa tuıyqtalý bolyp, symdar úzilgen, kábil jelisiniń mýftalary isten shyqqan. Elektr qýatyn tutynýshylardyń elektr qondyrǵylarynda qorektendirýshi jelini ajyratýǵa ákep soqqan zaqymdanýlar da oryn alǵan. Qalyptasqan qolaısyzdyqtar úshin keshirim ótinemiz jáne túsinistikpen qaraýdy suraımyz», - dep jazady «Atana REK» AQ baspasóz qyzmeti.
Elektr jelisiniń ajyratylýy kóbinese Lesozavod, Kırpıchnyı, Óndiris shaǵyn aýdandaryndaǵy jeke sektorda bolǵan.
«Aqaýlar joıylǵannan keıin elektrmen jabdyqtalmaǵan tutynýshylardyń jabdyqtaryn qosý týraly ótinimderdi jedel-dıspetcherlik qyzmettiń myna telefondary boıynsha berýge bolady:
• 620 456 (dybystyq menıý boıynsha 6-pozıtsııa):
• 79 69 44, WhatsApp: +7 701 081 6562
• Baıqońyr, Saryarqa aýdandary: 620 468;
• Almaty, Esil aýdandary: 620 438, WhatsApp +7 778 132 3306», - delingen málimette.
Buǵan deıin habarlaǵanymyzdaı, aýa raıy saldarynan Aqmola oblysynda 87 eldi mekende elektr energııasy óshken.
«Qazgıdromettiń» búgingi málimeti boıynsha elimizdiń Shymkent qalasynan basqa óńirlerinde daýyldy eskertý jarııalandy.
Astana áýejaıynda reıster keshigip jatyr.
6 óńirde respýblıkalyq mańyzdaǵy joldar áli jabyq.
