Astanadaǵy bombapanada bolǵan órtti sóndirý kezinde qaza tapqan órt sóndirýshilerdiń otbasyna páterler beriledi - I. Tasmaǵambetov
qpannyń 24-i. QazAqparat /Jasulan Amanbaıuly/ - Astanadaǵy bombapanada bolǵan órtti sóndirý kezinde qaza tapqan órt sóndirýshilerdiń otbasyna 1 mln. teńge materıaldyq qoldaý kórsetilip, baspanamen qamtamasyz etiledi.
Bul týraly búgin jýrnalısterge qaladaǵy qurylys nysandaryn aralaý kezinde Astana qalasynyń ákimi Imanǵalı Tasmaǵambetov málim etti, dep habarlaıdy QazAqparat.
Elorda ákimdigi bombapanany sóndirý kezinde qaza tapqan úsh órt sóndirýshiniń týǵan-týystaryna 1 mln. teńge materıaldyq qoldaý kórsetýge sheshim shyǵardy. Onyń ústine osy ýaqytqa deıin páter jaldap kelgen Rýslan Kákishevtiń otbasyna - 3 bólmeli, Saıat Ábeevtiń týǵan-týystaryna 2 bólmeli páter beriledi.
Aıta keteıik, aqpannyń 17-si kúni Astanadaǵy Yqylas Dúkenuly atyndaǵy kóshedegi tehnoparktiń aýmaǵynda ornalasqan bombapananyń ishinde órt shyqqan bolatyn. Órtti sóndirý kezinde úsh adam qaza tapty. Olar - Astana qalasynyń Tótenshe jaǵdaılar departamenti bastyǵynyń orynbasary polkovnık V. Zaıtsev, departamenttiń altynshy órt sóndirý bóliminiń bastyǵy R. Kákishev, arnaıy órt sóndirý bólimi qyzmeti bastyǵynyń orynbasary S. Ábeev.
