Astanadaǵy bilim kórsetkishi 60 paıyzǵa jýyqtady

ASTANA. QazAqparat – Jańa oqý jylynda elordada 27 myńnan astam bala birinshi synypqa barady, dep habarlaıdy QazAqparat tilshisi.

Bul týraly qalalyq bilim basqarmasynyń basshysy Qasymhan Senǵazyev aıtyp berdi,

«2022-2023 oqý jyly elorda úshin tabysty aıaqtaldy. Bilim sapasynyń kórsetkishi qala boıynsha 59,7% qurady. Balalardyń 98 paıyzy jazǵy demalyspen qamtyldy. Bul oqý jylynda 9-synypty 18 443 oqýshy támamdady. Al 11-synypty 9 539 túlek aıaqtap, UBT tapsyrdy. Túlekter qazirgi tańda joǵarǵy oqý oryndaryna qujat tapsyryp daıyndalyp jatyr», - dedi Q. Senǵazyev Astana kommýnıkatsııalar ortalyǵynda ótken brıfıngte.

Spıker atap ótkendeı, aldyn ala boljam boıynsha jańa oqý jylynda bala sany 255 myńǵa jýyq bolady.

Sonymen birge, birinshi synypqa 27 myńnan astam bala barady dep kútilip otyr.

Buǵan deıin Oqý-aǵartý mınıstrligi respýblıka boıynsha 340 myń bala 1-synypqa qabyldanǵanyn málimdegen edi.